پنجاب کے پیرزادوں سے۔۔۔۔ علامہ اقبال فرماتے ہیں!........افتخار کھوکھر کی پوسٹ

حا ضر ہوا میں شیخِ مجدد کی لحد پر
وہ خاک کے ہے زیرِ فلک مطلعِ انوار
اس خاک کے زروں سے ہیں شرمندہ ستارے
اس خاک میں ہیں پوشیدہ وہ صاحبِ اسرار
گردن نہ جھکی جس کی جہانگیر کے آگے
جس کے نفسِ گرم سے ہے گرمئی احرار
وہ ھند میں سر مایہُ ملت کا نہگباں
اللہ نے بروقت کیا جسکو خبردار
کی عرض یہ میں نےکہ عطا فقر ہو مجھ کو
آنکھیں میری بینا ہیں۔ ولیکن نہیں بیدار
آئی یہ صدا سلسلہُ فقر ہوا بند
ہیں اہلِ نظر کشورِ پنجاب سے بیزار
عارف کا ٹھکانہ نہیں وہ خطہ کہ جس میں
پیدا کلہِ فقر سے ہو طرہُ د ستار!

باقی کلہِ فقر سے تھا ولولہُ حق
طروں نے چڑھایا نشہُ خدمتِ سرکار!

شیخ مجدد۔۔۔ حضرت مجدد الف ثانی۔۔۔ مغل بادشاہ جہانگیر کے دور کے مشہور صوفی۔ آپ نے اکبر شہنشاہ کے دینِ الیٰ کے خلاف تبلیخ کی جس سے کیئ ملحد پھر سے مسلمان ہوئے۔ اس لئے آپ کو مجدد( نئے سرے سے زندہ کرنے والا) کہا جاتا ہے۔
نفس گرم۔۔ توحید کی حرارت
گرمئی احرار۔۔آزاد مردوں کی حرارت
ملت کا نہگباں۔۔۔ دینِ الیٰ کے خلاف جدوجہد کر کے الحاد کو ختم کیا اور اسلام کی سر بلندی برقرار رکھی
دیکھنے والا۔۔۔ مراد بصیرت
ولیکن نہیں بیدار۔۔۔ مراد اس بصیرت سے کام نہیں لے رہا
طرہ دستار۔۔ پگڑی کا طرہ مراد شاہانہ ٹھاٹھ باٹھ
کلہ فقر۔۔ فقیری کی ٹوپی
خدمت سرکار۔۔۔۔ مراد چمچہ گیری۔۔۔ انگریز یا غیر سے چاپلوسی کرنے کی حالت